ортаңғы «Көбелек» тобында 25 қазан – Республика күніне орай «Егемен елім – еңселі Қазақстан» тақырыбында тақырыптық сағат

МКҚК «Ақбота» бөбекжайының ортаңғы «Көбелек» тобында 25 қазан – Республика күніне орай «Егемен елім – еңселі Қазақстан» тақырыбында тақырыптық сағат өткізілді. Тақырыптық сағат Қазақстан Республикасының Мемлекеттік Әнұранымен басталды. ✨ Іс-шараның басты мақсаты – балалардың туған өлкеге деген құрметі мен сүйіспеншілігін арттыру, Отанға деген патриоттық сезімдерін қалыптастыру, сондай-ақ Қазақстан Республикасының мемлекеттік рәміздері туралы түсініктерін кеңейту. 🎶 Балалар бір дауыстан «Туған ел ұланы» әнін орындап, туған елге деген сүйіспеншіліктерін ән арқылы жеткізді. 🧩 Ұлттық құндылықтарды дәріптеу мақсатында балалар мақал-мәтелдерден пазл құрастырып, тапқырлықтары мен белсенділіктерін көрсетті. Ойын барысында балалар халық даналығының мәнін түсініп, ұлттық мұраға деген қызығушылықтарын арттырды. 🌿 Тақырыптық сағат балаларға көтеріңкі көңіл күй сыйлап, туған жерді сүюге, елін құрметтеуге, ұлттық құндылықтарды қадірлеуге тәрбиелеуге бағытталды.

Егемен еліміздің көк байрағы биікте желбірей берсін!
Республика күні құтты болсын!

#АқботаБөбекжайы
#КөбелекТобы
#РеспубликаКүні
#ЕгеменЕлімЕңселіҚазақстан
#ТуғанЕлҰланы
#ҰлттықҚұндылық
#ПатриоттықТәрбие
#ТуғанЖер
#Қазақстан